អំពីជំងឺមហារីក

ជំងឺមហារីកតំបន់ក្បាលនិងក

ជំងឺមហារីកតំបន់ក្បាលនិងក គឺជាការលូតលាស់ខុសធម្មតារបស់កោសិការនៅតំបន់ក្បាលនិងក ។

មហារីកតំបន់ក្បាលនិងកអាចកើតមានទៅលើ

មាត់
បំពង់ក
ប្រអប់សំឡេង
ប្រហោងឆ្អឹងនិងប្រហោងច្រមុះ
ក្រពេញទឹកមាត់

រោគសញ្ញាមហារីកតំបន់ក្បាល និងក

មាត់ៈបំណះពណ៌សឬក្រហមនៅលើអញ្ចាញធ្មេញអណ្តាតឬស្រទាប់នៃមាត់ ហើមថ្គាម

និងមានការហូរឈាម ឬឈឺចាប់ក្នុងមាត់មិនធម្មតា។

បំពង់ក: ឈឺចាប់នៅពេលលេប ឈឺចាប់នៅកឬបំពង់ក ឈឺចាប់ឬរោទិ៍នៅក្នុងត្រចៀក ឬមានបញ្ហាក្នុងការស្តាប់។
ប្រហោងឆ្អឹងនិងប្រហោងច្រមុះ ហូរឈាមតាមច្រមុះ ឈឺក្បាលញឹកញាប់ ហើម ឬបញ្ហាផ្សេងទៀតជាមួយនឹងភ្នែក ឈឺចាប់នៅក្នុងធ្មេញខាងលើ ឬបញ្ហាជាមួយធ្មេញ។
ក្រពេញទឹកមាត់ ហើមនៅក្រោមចង្កា ឬជុំវិញឆ្អឹងថ្គាម ស្ពឹក ឬខ្វិននៃសាច់ដុំមុខ ឬឈឺចាប់នៅមុខ ចង្កា ឬក មិនបាត់។

កត្តាហានិភ័យសម្រាប់ជំងឺមហារីកតំបន់ក្បាល និងក មានដូចជា៖

ការប្រើប្រាស់គ្រឿងស្រវឹង
ការជក់បារី
ការឆ្លងមេរោគHPV
ការប៉ះពាល់នឹងធូលីឬសារធាតុមួយចំនួនដែលជាកត្តាហានិភ័យនៃមហារីកច្រមុះ មហារីកប្រអប់សំឡេង មហារីកប្រហោងឆ្អឹង និងប្រហោងច្រមុះ
ការប៉ះពាល់នឹងវិទ្យុសកម្ម
ការឆ្លងមេរោគ Epstein-Barr ជាហានិភ័យនៃមហារីកច្រមុះនិងមហារីកក្រពេញទឹកមាត់និងហ្សែនពីកំណើត។

ជំងឺមហារីកតំបន់ក្បាល និងកអាចព្យាបាលដោយ

ការវះកាត់
ការព្យាបាលដោយកាំរស្មី
ការព្យាបាលដោយប្រើថ្នាំគីមី
ការព្យាបាលដោយភាពស៊ាំឬការព្យាបាលរួមបញ្ចូលគ្នា។

ផែនការព្យាបាលសម្រាប់អ្នកជំងឺម្នាក់ៗគឺអាស្រ័យលើកត្តាមួយចំនួន រួមទាំងទីតាំងនៃដុំសាច់ ដំណាក់កាលនៃជំងឺមហារីក និងអាយុរបស់មនុស្ស និងសុខភាពទូទៅ។ ដូច្នេះ បើសិនជាលោកអ្នកមានការសង្ស័យនិងមានអាការះដូចដែលនាងខ្ញុំបានជម្រាបជូននៅខាងលើសូមធ្វើការពិគ្រោះនិងទទួលការព្យាលបាលជាមួយវេជ្ជបណ្ឌិតឯកទេសជំនាញដើម្បីកុំអោយជំងឺរបស់លោកអ្នកឈានដល់កម្រិតធ្ងន់ និងព្យាបាលទាន់ពេលវេលាផងដែរ។